།ཡི་གེའི་ཐོབ་ཐང་ཉེར་མཁོ་རབ་གསལ་མེ་ལོང་།
དབྱངས་ཡིག་ཨི་ཨུ་ཨེ་ཨོ་བཞི།
གསལ་བྱེད་ཀ་སོགས་སུམ་ཅུ་ཡིན།
ར་ལ་ས་རྣམས་རྗེས་འཇུག་བཅུ།
རོ་ལོ་སོ་རྣམས་རྫོགས་ཚིག་སྟེ།
སླར་སྡུད་ཟླ་སྡུད་ཅེས་ཀྱང་བྱ།
རྗེས་འཇུག་རང་འདྲའི་མཐའ་ལ་སྦྱར།
ད་དྲག་ཐོབ་ཆེ་ཏོ་ཞེས་སྦྱར།
རྣམ་དབྱེ་གཉིས་པ་བཞི་པ་དང་།
བདུན་པ་དེ་ཉིད་དུས་ལ་འཇུག།
འ་དང་མཐའ་རྟེན་མེད་པའི་མཐར།
རུ་དང་ར་གཉིས་ཅི་རིགས་སྦྱར།
རྣམ་དབྱེ་དྲུག་པ་འབྲེལ་སྒྲ་སྟེ།
འ་དང་མཐའ་རྟེན་མེད་མཐར་འི།
རྐང་པ་སྐོང་ཚེ་ཡི་འཐོབ་བོ།
གི་གྱི་སོགས་མཐར་ས་སྦྱར་ཚེ།
རྣམ་དབྱེ་གསུམ་པ་བྱེད་པའི་སྒྲའོ།
ཀྱང་ཡང་འང་གསུམ་རྒྱན་སྡུད་དེ།
མཐའ་རྟེན་མེད་མཐར་འང་དང་ཡང་།
དེ་ཏེ་སྟེ་གསུམ་ལྷག་བཅསཏེ།
མཐའ་རྟེན་མེད་མཐར་ས་སྟེ་འཐོབ
རམ་ལམ་སམ་རྣམས་འབྱེད་སྡུད་སྒྲ།
རྗེས་འཇུག་རང་འདྲའི་མཐའ་ལ་སྦྱར།
ནས་དང་ལས་གཉིས་འབྱུང་ཁུངས་དང་།
ཀྱེ་དང་ཀྭ་ཡེ་བོད་སྒྲ་སྟེ།
ཕལཆེར་མིང་གི་ཐོག་མར་སྦྱོར།
གང་སུ་ཅི་ཇི་སྤྱི་སྒྲ་སྟེ།
དཔེ་དང་གཞན་ལ་ཅི་སྦྱོར་ཞིང་།
སུ་འཐོབ་གང་ནི་ཀུན་ལ་སྦྱར།
པ་དང་ཅན་ལྡན་བདག་པོའི་སྒྲ།
མ་མི་མིན་མེད་དགག་པའི་སྒྲ།
མིན་མེད་གཉིས་པོ་རྗེས་ལ་སྦྱར།
ཚིག་འཕྲད་ཅིང་ལ་སོགས་པ་ནི།
རྗེས་འཇུག་མེད་པའི་མིང་མཐའ་རུ།
ས་མཐར་དམིགས་བསལ་ཞེས་མ་གཏོགས།
ཁ་ཅིག་ལྷན་ཅིག་ཐབས་ཅིག་དང་།
ལན་ཅིག་སོགས་ཀྱི་ཅིག་སྒྲ་དེ།
ཚིག་འཕྲད་གྲངས་སུ་མ་ནོར་གཅེས།
ཆིགས་བཅད་རྐང་པའི་མཐའ་ལ་ནི།
ཉིས་ཤད་ངེས་པར་འཐོབ་པ་ཡིརྣ།
ཤད་ཀྱི་གོང་དུ་ཕྱེ་ཚེག་དགོས།
ཚིགསལྷུགས་ལ་ནི་ཛོགས་ཚིགམཐར།
ཉིས་ཤད་རྣམ་གྲངས་སོ་སོ་དང་།
བོད་པའི་སྐབས་ལའང་ཆིག་ཤད་བྱ།
སྡེ་ཚན་ཆེན་མོ་ཛོགས་པ་དང་།
ལེའུའི་མཚམས་སུ་བཞི་ཤད་འཐོབ།
རྐང་པ་སྐོང་དང་མི་སྐོང་ལས།
འཐོབ་ཚུལ་སྐབས་དང་སྦྱར་བར་བྱ།
དེ་ལྟར་རྗེས་འཇུག་དབང་གིས་ནི།
རྣམ་དབྱེ་ཚིག་འཕྲད་མི་འདྲ་བའི།
ཚིག་གི་འདབ་མསམ་བསྒྲིབས་པའི།
གནད་བསྡུས་འབྲས་བུ་གཡུར་ཟ་བ།
བློ་གསལ་དོན་གཉེར་དགའ་སྟོན་དུ།
དབྱངས་ཅན་དགའ་བའི་བློ་གྲོས་སྤེལ། །